Nuti miseensonni ABO konyaa Gadaa Bilisummaa waggaa 1ffaa Fincila Diddaa Gabrummaa uummatni keenya Sadaasa 9, bara 2005 eegale ilaalchisee obboloota kana irratti wareegaman yaadachuudhaan, magaalaa Edimenten(Edimonton) biyya Kanadaa keessatti sirna ho'aan kabajannee qabsoo keenyaaf qarshii Kanadaa doolaara 1500 oli (kan uummatni keenya gumaache waliin) walitti buusuudhaan Ibsa Ejjennoo armaan gadii dabrfannee jirra:
1.Fincila uummatni keenya godhee fi gochaa jiru nideggerra, waan barbaachisuun bira nidhaabbanna,
2.Obboloota fincila kana irratti wareegaman yaadachaa, kaayyoo isaan wareegamaniif bakkaan ga'uuf irbuu keenya nihaaromsina, Sadaasa sagalis bara baraan nikabajna,
3.Qabsoo bilisummaa ABOn gaggeeffamu waan barbaaschisuun bira nidhaabbanna, dirqama dhaabni keenya nutti kennu kamiyyu nibaana,
4.Gochaa mootummaan wayyaanee barataa Oromoo Shibbiruu Damissee irratti fudhate nibalaalleffanna, Kanneen kana raawawatanis murtiitti akka dhiyaatan nigaaffanna,
5.Haala mootummaan Wayyaanee uummattoota nagaa amantiin walitti buusaa jiru nibalaalleffanna, uummatni keenyas dammaqee akka ofirraa eegu nibeeksifna,
6.Sabootaa fi biyyoota ollaa waliin uummata Oromoo walitti buusuuf shira mootummaan shororkeessaa wayyaanee raawwachaa jiru nibalaalleffanna, biyyoonni ollaas tarkaanfii fudhataa jiran akka keessa deebiyanii ilaalan nigaafanna,
7. Mootummoonni addunayaa mootummaa wayyaanee uummata nagaa ajjeesaa jiru kana gargaaran akka irraa of-qusatan nigaafanna,
GADAAN GADAA BILISUMMAATI
INJIFANNOON UUMMATA OROMOOF
Sadaasa 11, bara 2006
Ediminten, Kanaadaa
