Nutii miseensonnii ABO konyaa Denver fi hawaasnii oromoo Colorado ayyana dacha amajjii (1) tokko fi guyyaa seena qabessaa guyyaa WBO amajjii 1/ 2010 sirna owwaan kabajannee . Wal gahiin kun akkuma aadaa oromotti eebba manguddon banamee. Dubartonnii fi dargoggonnii oromoo coloradoo qophii kana walaloo gootota oromoo bilisummaaf lubbu of kitimanii farsan dhiheessun qophii kana cululuqsanii jiran.
Ogaden kan magaala coloradoo keessatti argaman akka dhaaba ONLF tti osoo hin tahin akka haawasatti ayyanichaa irratti bal’inaan argamanii jiran. Hariiron ABO fi ONLF qofaa irratti osoo hin olin gadii buunee sadarkaa hawaasattii waan bilisummaa oromoo fi Ogaden shaffisiisu hunda irratti akka waliin hojjannu murteeffanne. Bakka bu’oonnii ONLF Ob/ Muhyaddin sheikh Abdii fi Ob/ Hassan Turkii wal duraa duuba haala dhimma sabaa lamaanii irratti fi haala asitti waliin hojjachuu dendeenyyu iratti haasawanii jiran.
Qophii kana irrattii hoggannii ABO ol aanan argamuun haala seenaa ayyanichaa fi haala qabatamaa yaroo ammaa qabsoon oromoo irrattii argamtuu irratti hawaasa oromoof ibsaa bal’a kennee jira. D/ Taa’aan Konyaa Denver ob/ Muhamed Aliyye sirna bareedaan wal gahii bane. Gaafataman aadaa fi beeksisaa kutaa USA Billoo Garbii fi Ab/ Jarmayaa Konyaa DENVER ob/ Iliyaas Ahmed sirna wal gahichaa fi bara moofaa dabree keessattii konyaan Denver fi hawasnii Oromoo Coloradoo mirgoota heddu gonfataniis ammallee karaan bilisummaa dheeraan fuula keenyaa duraa waan jiruuf yoom irraa illee caalaa harka wal qabannee qabsoo teenyaa akka finiinsuun irraatti ibsaa bal’aa wal duraa duubaan kennanii jiran.
Heddun ummata Oromoo yaroo ammaa qabsoo adda bilisumma oromoo irraa eega,bilisumma ammoo Rabbi (Waaqa) irraa eegaa jira. Hallii kun kan qabsoo oromoo tan ummataa bal’aa oromoo malee fira biraa hin qabnee gaadi’ee asiin gahee waan taheef haala kana gadii fageenyaan eega irratti mari’annee booda . Injifannoon, jabinni ABO fi WBO akkasuma bilisumman sabas , dhiiga keenya, kiishaa keenya, fi lubbuu teenyaa alatti milkii eeguun abjuu dha.
Kanaaf nutii miseensotaa fi hawaasnii oromoo Colorado guyyaa ayyaana kana project addaa kan guyyaa tokko waggatti WBOf hujjannee galii guyyaa kana WBOn bakka jiruttii ayyaana kana akka itti ayyaaneffatu godhuf murteffannee jirra. Akka kanaan galii keenya kan guyyaa tokko USA $ galii qabsoo ABO goone. Yaalii miseensonni konyaa Denver gooneen sabbontonni oromoo State adda addaa irratii hirmachifnee jirra. Fkn New York, South Dakota, Teennessee fi Minnesota hammii tokko nu waliin project kana irraa qooda fudhatanii jiran. Bara dhufuttii hawaasnii biyya ambaa jiran hundii guyyaa kana akka addatti of qabanii WBO bira akka dhaabbatan gaafanna. Nutii gara keenyaan galiin guyya tokko WBO bara baraan akka olu murteeffannee.
Dhuma irratti murtii fi ejjannoo armaan gadii dabarfanne jirra:
1. Ilmaan Oromoo kennen meeshaa diinaa taatanii saba keessan fixxan umrii diinaa dheressitan seena gantoota dabree xinxaltanii galti keessaniis harkuma diinaa tahuu hubattanii yakka duguuggaa shanyii M/EPRDF Saba oromoo fi sablammoota biyyichaa irratti raawwachaa jirtan irraa akka if daangeessitan isinif dhaamna.
2. Warreen diinaa kaayoo dhiiftanii moora oromoo keessa deebitanii hayyota oromoo fi hogganoota irratti duultan amna dogoggoraa kana dhiiftanii duula keessan gara diinattii akka deebiftan wamichaa isiniif goona.
3.Dhuma irrattii bara kana bara duraa irraa adda godhu qabna. Kanaaf nuus of jijjiirree akka ofiin feenuu miti akka qabsoon nurraa feetutti qabsoof of qopheessinee akka kaanu dhaammanna. Waluma galatti duulli bara kana mooraa oromoo keessaa gara mooraa diinatti akka jijjiramuu jenna.
Gadaan gadaa bilisummati.
IUOf
Konyaa Denver Colorado.
