 (Madda Oduu ABO/MOA/Onkoloolessa 22,2009) MOA akka gabaasetti dabballootni, humnootni tikaa, hidhattootnii fi lukkeewwan wayyaanee Godina Baalee keessaa ABO deggertu jedhaniii namoota nagaa qorachaa fi hidhaattis guuraa jiran.
Baalee naannolee akka Beeltoo fi Barree keessatti duulli hiraarsaa ummata irratti ba’amee jiru bal’aa ta’uu kan gabaasan maddeen keenya, namootni hidhamuus ifa godhu.
Lukkeewwan wayyaanee Aliyyoo Abdullaahi Duubee, Abdoshee Ibroo Usmaan, Jibriil Mohaammad Usmaan, Xayyib Sh/Mohaammed, Sulxaan Ahmed Mohaammed fi Ahmed Adam Boruu kanneen naannoo Beeltoo fi Barree keessaa maqaa ABOn ummata hiraarsaa jiran keessatti argamu.
Oduuma walfakkaatuun Harargee dhihaa Bookee araddaa Tayfee keessatti basaasotni wayyaanee Ahmed Guulaa fi Ahmed Haajii jedhaman ummata basaasuun miidhaa guddaa dhaqqabsiisaa akka jiran barameera. Basaasotni kunniin Bookee bakka Hara Weennii ganda Warra Kawaajaa jedhamuu keessaa maatii tokko irraa namoota 11 akka hiisisan maddeen keenya ifa godhu.
Farreen kana irraa ummatni jabinaan akka of eeggatus sabboontotni Oromoo naannoo irraa dhaamsa dabarsaniiru.
|
