Yaadannoon Gootota Oromoo kun eeba manguddootaa fi faaruu alabaa fi gotootaan Hawisoo Caayaa Dargaggootaa kan ta`ee Caayaa Bokkuun sirna o`aan baname. Yaadannoo kana Dura Teessoon Koree Qindeessituu Konyaalee Sadanuun Jaal Leylaa Abbaawarrii hawaasa Oromoo Magaalaa Lakkuu dhibtamaan lakka`amaniif, qondalootaa fi miseesnoota ABO eega simatee boode hoggana dhaaba kana ta`aan Jaal Dr. Bayaan Asoobaa Miseensa GS-ABO fi Dubbata dhaabaan waa`ee Guyyaa Goototaa fi haala Qabsoo Bilsiummaa Oromoo ABOn geggeefamuu irratti ibsi balaaan kennamee jira. Ibsa isaanii keessatti Jaal Bayaan guyyaan kun guyyaa Goototaa Oromoo Qabsoo Bilisummaa Oromoof wareegamaan hundaa akka yaadatuu fi Gotootaa Qabsoo Bilisummaa Oromoo ABOn hogganamuun wareegamaan qofa akka hin tanee addesanii jiru. Akkasumas immoo guyyaan har`aa yaadannu kun guyyaa akkasuma uumamee kabajannuu osoo hinta`iin guyyaa dhugaa fi dhabii keenya ABO gootota qaqalii bara sadeetamoota keessa guyyaa fi bakka tokkotti dhabe akka ta`ee ibsanii jiru. Goototi kun gootota ABO qofa osoo hinta`iin Gootota Oromoo akka ta`aan illee ibsanii jiru.
Ibsa Jaal Bayaan ittiaansuun Dura Ta`aa Caayaa Bokku Dargaggoon Bayisaa Garbii qabsoo abbotiin keenya dhiga isaanii dhangalasuun, lafee isaanii cacabsuun addan gahaan kana dargaggoon Oromoo harka fudhanii galmaan gahuun qophii ta`uu isaani ibsaa isaa mata duree Qooda Fudhannoo Dargaggoota Qabsoo Bilisummaa keessatti godhee keessatti ibsee jira. Akkasumas suuraa fi maqaalee Gootota Oromoo hanga tokko kana qabatee Billboard dargagootaa Oromoon dungoo jalatti qabsiifamee fi abaaboon midhagee ummataaf bana ta`ee agarsiifamee gootoni qabsoo bilisummaaf wareegamaan waan isaan itti wareegaman akka lafatti hin hafnnee fi fuldurii Qabsoon Bilisummaa Oromoo ifaa ta`uu isaa agarsiisee jira,
Dhuma irratti gaafii fi deebii, yaadaa fi mareen geggeefamee jira. Ummatai yaadannoo kana irratti argamee gumaa Gootota Oromoo basuu fi qabsoo isaan eegalaan kana bakkan gahuuf karaa barbaachisaa ta`e hundaan dhaaba isaa ABO bira dhabachuuf waada isaa haroomsuun walgahiin dhaamsa hogganaan xumuramee jira.
Injifatnoo Ummata Oromoof!
Gadaan Gadaa Bilisummaa ti.
Ebla 11, 2009
