(Madda Oduu ABO/MOA/Waxabajjii 11,2009) Sirna gabroomsaa Wayyaanee fincilaan muddaa ka jiran gootowwan barattoota Oromoo Yuunversitii Hawaasaa Waxabajjii 6/2009 qophii tokkummaa Oromoo tiysi je’u qopheeffatuun harka walqabatanii dhiiga buusan.
Qophii tokkummaa Oromoo haa cimsinuu je’u qopheessan kanaan ummanni Oromoo hawwii diinni kutaa fi amantiin isa adda qooduuf qabutti dammaqee tokkummaa isaa akka itichu yaamicha lammummaa dhiheessan. Ergaa barattoota Oromoo hundaaf dabarsaniinis, barattoonni Oromoo bakka jiranii tokkummaan ummata Oromoo diinan akka hin sharafamne dammaqinaan akka dura dhaabatan hubachiisan.
Sirna isaanii erga guduunfanii booda sirboota qabsoo yeroo dheeraaf dhageessisuun dhiichisaa akka turanis odeessi kun ifa godha. Barattoonni Oromoo Yuunversitii Hawaasaa 3000 tahan Waxabajjii 04,2009 hiriira mormii jabaa sirni wayyaanee irratti adeemsisuun isaanii ni yaadatama.
Kanuma waliin wal qabatee gabaasi MOA Yuunversitii Naqamtee irraa gabaase akka ifa godhutti, sirni wayyaanee karaa lukkeelee isaan barattoota Oromoo Yunversitichaa miseensummaaf qaadhimachuuf taasisus dura dhaabbannoo fi mormii barattootaan duraa fashaleera.
Jaleewwan diinaa Dirribaa Caallaa fi Barsiisaa Garramaw je’aman ergaa diinaa fudhatanii barattoota walitti qabanii miseensa dhaaba jalee wayyaanee akka ta’aniif carraqanis gootowwan barattoota Oromoo dura dhaabbatuun salphisan. Barattoonni marii tana irraa qooda fudhatan, ergamtoonni kunneen ergaa diinaa fudhatanii mooricha keessa luffisuu irraa daddaffiin akka dhaabbatan akeekkachiisan.
MOA |
