(Madda Oduu ABO/MOA/Ebla 19,2009)Konyaan ABO Stavanger fi Hawaasni Oromoo naanoo Stavanger yaadannoo Guyyaa Gootota Oromo Ebla 18 magaala Stavange keessatti kabajatee ooleera.
Kabajan yaadannoo guyyaa goototaa faruu Alaabaa Oromoo farafachuun kan sirna o`aan banani da’imman Oromoo gana(waggaa) 6- 15 niin yeroo ta’u.Hirmannaan Da’immaan miidhagina guddaa kabaja guyyaa kanaaf kennee jira.
Itti gaafatamaan ABO Kutaa Iskandinavia J/Mohammoed Ahmed Hajii seenaa kabaja guyyaa goototaa Oromoo bara baran Ebal 15 kabajam illaalchisee hirmaattotaaf ibsa bal’aa kennanii jiru. Itti dabaluun guyyaan kun guyyaa miseensonni WBO fi miseensonni ABO gootota Oromoo qabsoof wareegaman yaadachaa kaayyoo isaan irraatti wareegama bakkaan ga’uuf guyyaa irbuu seenan haaromsuun qabsoo itti fufan akka ta’e dhaamsa dabarsanii jiru. J/Mohammeed hawaasni Oromoo tokkummaa Oromummaa tikfachuun qabsoo ABO gaggeefamu utubuun diina irraati akka xiyyeefatamu dhaamsaa dabarsanii jiru.
Itti aansuun miseensoni ABO koyaa Stavanger faaruu qabsa’oota wareegaman kan itti yaadanu faaruu ”maal jedhani jaalawa qaboof kufani jedhu” faarfachuun iribuu seenan haarmsanii jiru.Akkasumsa diramaan Hoogana ABO olaanoo dirqamaaf bobbaa irra osoo jiraniin Biyya Somail keessatti kanneen wareegaman kan yaadachiisu hirmaatota guyyaa kanaaf argisiifamee jira.
Galgala Aadaa irraatti Artistoota Oromoo jaalatamoo fi qabsoo Oromoo ABO gaggeefamu keessati gahee guddaa kan qaban Artisti Abba Abashuu,Hirphaa Gaanfuree,Ilfnieeshe Qannoo fi Tottoba Taadasaa sirboota waraaqsaa fi gootota faarsaan sirbaa uummata bashanasiisa turanii jiru.Keessuma Artist Ilfinesh Qannoo Waltajjii kana irratti argamuu fi sirboota warraaqsaa sirbuun ishee hirmaatota guyyaa kabaja kanaa fi Oromoota sagataa kan karaa ”Paltalk” hordofaa turanii mirqaanaa fi gammachuu guudaan kennee jira.
Dhumma irraatti Konyaan ABO Stavanger injifannoo fi gammaachuu guddaan Gootota keenyaa akka yaadannu kanneen nubira dhaabatan Artistoota keenya; Abba Abashuu,Hirphaa Gaanfuree,Ilfnieeshe Qannoo fi Tottoba Taadasaa guddoo galateefachaa, kaayyoo goototin keenya wareegamniif bakkaan ga’uu, dirqama dhaaba keenya irraa nutti kennamuu hojiitti hiikuu fi WBO bira dhaabachuuf irbuu seenani haaromsanii jiru.
IUO’f!
GGB ti!
