1. Waajjirota mummitti ministerotaa, parlamaa, fi ministeera dantaa alaa biyya Jarmanii, waajjira komiishena awuropaa kan biyya Jarmanii, fi imbaasota biyya Faransayii, biyya Inglizii, fi biyya Ameerikaa kan Jarmanii jiranu fuula dura hiriruu fi karaa irra itti dhadannoleen afaan Jarmanii, afaan Oromoo, fi afaan Ingiliziin dhagesifamaa olan. Dhadanoole dhagessifaman kessaa haga tokko tuquf: Barattota Oromoo ajjesu fi hidhun haa dhaabbatu!, Oromoo ajjeesun haa dhabbatu!, Hidhamtootiin siyasaa Oromoo haa hikaman!, motummaa yakkamaa mallaqaan deggeruun haa dhabbatu!, Motummaan wayyanee nagaa fi tasgabii hin fedhu!, Nagaa fi tasgabii godina gaanfa Afrikaaf !, Gafilee saba Oromoof debiin haa kennamu!, ABO haa jiratu, fi kkf turan.
2. Faanfileta (barrulee gagabaabduu) kanneen afaan Jarmanii fi afaan Ingiliziin qopheefamanii fi odefannoolee waa`ee dhittaalee mirgoota dhala namaa biyya Oromiyaa kessa itti geggefamaa jiranu ibsanii fi kanneen waa`ee ummata Oromoo fi Oromiyaa xuqan namoota hedduuf raabsamaniru. Mata-dureen barrulee rabsamanii kun akka armaan gadii kana:
2.1. Inhuman mistreatments of Oromo people by successive Ethiopian regimes;
2.2. Systematic and open massacres of Oromo civilians by security forces of TPLF regime since 1992;
2.3. A few examples of recorded human rights violation crimes perpetrated against Oromo school children and university/college students;
2.4. Ethiopian judge tells regime's massacres; and
2.5. Biyya-Oromo / Oromia and Oromo people.
3. Xalayaan iyyannoo (Appeal letter) afaan Jarmanii fi afaan Ingiliziin qophefame ergii qaamoota dubbiin ilaaltuuf ibsamee booda kallatiin isaan itti kennameera. Isaaniis iyyannoo kenyaaf akka debii kennan nuuf himan.
Hirirri kun ganama saatii 10: 00 AM irraa egalee haga guyyaa saatii 1:30 PM itti geggefame.
Ergii hirirri nagaa akekame kun injjifannoo bonsaan xummurame boda sagantaa laaqanaa itti ansuun ayyaanni yaadannoo guyyaa gootota Oromoo saatii 3:00 PM irraa egalee haga saatii 5:00 PM itti haala howaan kabajameera. Sagantaa kana irra itti dura ta`aan ABO kutaa Jarmanii senaa ayyaana gotota Oromoo ilaalchisun ibsa kennaniru. Akkasumas walaloon qopheefame sagantaa kana irra itti dubbifameera. Xummura irra itti nagaa Oromummaa walii dhaamun hunduu gammachuun gara magaloota irraa dhufanii itti deebiyaniiru.
